خفة وشقاوة ولعب بالألفاظ، كبار وصغار أتجمعوا من قديم الزمان لرصد ما وراء الكلمات، لعل وعسى يمسك في أول الحبل ومنه يقدر يوصل لباقي الحل.
وفي 365Scores قررنا نعود بالزمان لـ” فوازير رمضان ” فقرة أتجمع حواليها جيل كامل، الكبير قبل الصغير حاول يفكر ويجيب لها حلول كتير.
نجومنا في كل فازورة من كل زمان ومكان، ممكن تدخل في حيرة كبيرة من كتر اللعب بالألفاظ، وكلمة واحدة بين السطور يمكن توصلك للحل وتكون زي الشطار.
فوازير رمضان 25 – على الوينج وفي القلب ديمًا بيلعب
انا لعيب قديم وبحب فريقي
حريف ومهاري لو خايف تترقص بحذرك تيجي
ع الوينج وفي القلب ديمًا بلعب
ارميلي ثروهات كتير عمري ما هتعب
بجري زي الغزال وبسجل في أي وقت أجوان
أسطورة كورة بيفتكروني مع إنتا في زمن النسيان
رقم تشيرتي يتمناه أي لاعب مع إنه مش مميز
نجحت في الملعب والتحليل بس لسه التدريب مش كويس
اسمي على اسم مدافع لعب لغريمي
أسطورة ناديه زيي بردو واتمنيته في فريقي
